جملة عادية جداً بنشوفها كتير سواء كان في message أو لما بنكلم حد online
بس عمرك شوفت حد كاتب " هاللو، هاو آر يوو؟"!!
حتي لو شفت حد كاتب كده أكيد حتستغرب
ليه بقي العادي اننا نكتب عربي بحروف انجليزي بس مش عادي نعمل العكس؟؟
في حد ممكن يقول عشان دي اسمها فرانكو آرب لكن مفيش حاجة اسمها فرانكو إنجليش!
تاريخ الفرنكو آرب
أيه هو أصل الفرنكو؟
تاريخ الفرانكو يبدأ من أيام سقوط الأندلس (أسبانيا حاليا) في أيدي الفرنجة وأيام محاكم التفتيش الأوروبية، في الوقت ده كانت الأندلس بلد إسلامي وبعد ما احتلها الأسبان أول شيء عملوه أخذوا المصاحف وقفلوا المساجد ومنعوا الصلاة، وبعدين عملوا ما هو أخطر من كده، سابوا الناس تتكلم عربي عادي بس أجبروهم يكتبوا اللغة العربية بحروف لاتيني وده إللى احنا بنسميه "بالفرانكو اراب" دلوقتي، وللأسف فضلوا يضيقوا عليهم لحد ما طلع منهم جيل ما يعرفش هم مسلمين ولا لأ.
وظهر في القرن العشرين بعض المثقفين اللي قالوا إن الحرف اللاتيني اصلح من الحرف العربي شكلا وموضوعا وقالوا انه من الأفضل إننا نبدل الحرف اللاتيني بدلا من الحرف العربي في كتابتنا.
ومن أبرزهم الشاعر اللبناني سعيد عقل، هذا الشاعر كتب ديوان اسمه "يارا" بالفرانكو في بيروت وكتب في مقدمه الكتاب الحروف التي سيستخدمها وضاف من عنده بعض الحروف عشان يغطي قصور الحرف اللاتيني، والنتيجة ان أبجديته صار فيها أكثر من ثلاثين حرف، وبالطبع فشل الديوان ولم يلاق نجاح.
فين المشكلة؟
حتي قدوم مصطفي كمال اتاتورك سنة 1920م كانت اللغة التركية بتتكتب بالحروف العربي وبدلها اتاتورك بالحروف اللاتينية ليعلن انفصاله رسميا عن الشرق و العالم العربي واتجاهه للغرب، يعني اللغة التركية دلوقتي اصبحت "فرانكو تركي"!
زمان تركيا كانت بتتكلم و تكتب عربي
و بعدين بقت تكتب انجليزي و تتكلم عربي
و دلوقتي لا بيتكلموا عربي و لا بيكتبوا عربي...
تصوروا لو ده حصل في كل الدول العربية بعد مرور السنين ستختفي الحروف العربية ويحل محلها حروف لاتينية.
كل واحد منا عليه دور في المحافظة على لغته عشان ميبقاش في تركيا ولا أسبانيا جديدة.
الله.. حلو قوي..
ReplyDeleteانا طول عمري بقول الكلمتين دول.. بس بأختلاف اسلوب الكلام.. صيغة الكلام حلوة و مختصرة
ربنا يباركلك
شكراً =)
ReplyDeleteأنا كتبت عن الموضوع ده تاني بس بطرقه مختلفه
http://alaa-elfeqi.blogspot.com/2011/01/blog-post_23.html