قالك!

"بيقولوا حيبدرو الإمتحانات السنة دي"

الجملة دي بسمعها كل سنة من أول مبدأت تعليم لحد دلوقتيي، يعني من حوالي15 سنة تقريبا!ه

ولو سألت حد هم مين دول اللي بيقولوا؟ حيقولك أنا سمعت كده، طب سمعت كده دي من مين؟ من واحد صاحبي بنت خالة مامته تعرف واحد في الوزارة, وتكتشف في الاخر أن الواحد ده يبقى المنادي اللي شغال في الشرع اللي فيه وزارة التعمير والاسكان!ه

طيب هي الناس اللي بيتطلع الاشاعات دي مزهقتش؟ والناس اللي بتصدق الاشاعات دي وبترديدها برده مزهقتش؟ والغريب أن احيانا بتكون الأشاعات دي مستحيلة ومع كده بتلاقي الناس بتقولها برده من غير متفكر تتحقق من صحتها أو حتى تفكر هي الاشاعة دي ممكن تكون صح ولا غلط!ه

يارت كل واحد فينا يحاول يبطل يقول حاجة من غير ميكون متأكد منها 100% حتى لو الحاجة دي من وجهة نظره مش حتسبب أي ضرر.ه

 

“وَتَحْسَبُونَهُ هَيِّناً وَهُوَ عِنْدَ اللَّهِ عَظِيمٌ”